Antso Gartzes II.aren, “Abarka”ren alaba eta Antso III.aren, “Handia”ren izeba, Almanzor buruzagi militar musulman ospetsuaren emaztea dugu. Haien ezkontza Iruñea eta Kordoba arteko adiskidetza keinuaren gisa ulertu behar dugula dirudi, eta 983. urtearen inguruan ospatu bide zuten.

Antza, Abda Kordoban biziki estimatu zuten. Musulman bilakatu eta idazteari ekin zion, Al-Andalus eta India artean bere gogoetak hedatuz. Seme batez erditu, Abd al-Rahman, eta horrek aitaren bideari jarraitu zion, gaztelarren aurka oldartzekotz. Antso II.ak Kordoban 992. urtean alaba eta biloba bisitatu zituen, eta urtebete beranduago Abdaren neba ere, Gonzalo, inguratu zela idatzi da. Ondorioz, Iruñea eta Kordobaren arteko bakeak luzez iraun zuen.

Ai, zer emanen nuke nik, Abdaren hitzak entzuteagatik…