Düala hilabete bat, Santa Grazin laborari etxe bat erre zen eta familia batek dena galdü züan ; alkartarzün edo alkar etxekidüra gaüaldi bat antolatü da. Zazpi jente bizi ziren erre den etxean, ez ziren deüsere salbatü ahal izan ; halerik ere, borda eta artegiak ez ziren honkirik izan. Geroztik, mobil’home delako bat ezarririk izan da eta hola axurka sasua segürtatzen ahal düe, beste etxe batetan alojatürik direlarik. Beste etxe baten egiteak denbora hartüko dü eta artean beharrak direlakoz, süstengü gaüaldia antolatü dü Solidarité Santa Grazi alkarteak. Arren, Ligiko herriko gelan 8 etarik goiti hitzordüa : jateko eta edateko badate lehenik eta ondotik. Kantaldian: Argibel, Errejentak, Xiberotarrak, Jean Bordachar eta bere taldea, Eric Alzazebe, Alexia Aytaberro, Nicolas Urruti eta Jean Louis Bidabe.

Iturria: www.xiberokobotza.org