Ukitzen nauzunean, ukitua nauzu,

ukitzen nauzulako uki sentikorraz.

 

Ikusten nauzunean, ukitua nauzu,

ikusten nauzulako begi eztitsuaz.

 

Aditzen nauzunean, ukitua nauzu,

aditzen nauzulako belarri ernaiaz.

 

Usaintzen nauzunean, ukitua nauzu,

usaintzen nauzulako aitaren arretaz.

 

Dastatzen nauzunean, ukitua nauzu,

dastatzen nauzulako amaren gozoaz.

 

Ukitze ukigarri bilaka dakizun,

nirea landu nahi dudala oi entzun,

zure ikastetxeko kurtso luzeetan,

zure ukitze leunen irakaspenetan.

 

Nahiko bazintuzket orduan, agian,

 

ukituko baitzaitut, ukitua izan,

zure ukitzekoan uki sentikorraz,

 

ikusiko baitzaitut, ukitua izan,

zure ikustekoan begi eztitsuaz,

 

adituko baitzaitut, ukitua izan,

zure aditzekoan belarri ernaiaz,

 

usainduko baitzaitut, ukitua izan,

zure usaintzekoan aitaren arretaz,

 

dastatuko baitzaitut, ukitua izan,

zure dastatzekoan amaren gozoaz.

 

 

2016/12/02

Hatsaren Poesia – Olerki Bilduma – 2017