Larrosa txuri eta gorriak nahastu dizkidazu eskuetan.

“Zintzotasuna eta bekatua” esango luke auzoko edozein mojak. Apaizaren gerriko mugimendu arinari begira.

“Zintzotasuna eta bekatua” esango luke nire amonak. Aspaldiko garaiak ezin ahaztuz.

“Zintzotasuna eta bekatua” esango luke nire amak. Gaztaroa nostalgiaz gogoratuz.

“Kontraste” hitza esango zenuke zuk.

Ongi dakizu nire gorputza kolore nahasketa binarioekin osatuta dagoela.

Ongi dakizu nire begietan argia eta iluntasuna dela nagusi.

Berdea eta beltza.

Ongi dakizu nire azalean argia eta iluntasuna dagoela.

Txuria eta pikor beltzak.

Ongi dakizu nire bizitzan kontrastea dagoela.

Bekatua.

Zintzotasuna.

Oraingoan ni naiz gorria. Aspalditik. Masail gorrituekin batera bizituz bekatua.

Oraingoan ni naiz txuria. Bide itxia. Emankorra.

“Aniztasuna” esango nuke nik.