Mendiko arteen artean arte bila nabilen artean

iraganda ez dagoen iragana hegarazi eta

hilobikoen ideietan ez iltzatzeko hitza emanda

polisemiaz jolasten dut,

esaterako alua ez delako alua.

Polisemiaz

eta poli-semeez jolasten dut,

posible (baina zaila) delako izatea emea semea.

Itsasoaren kutsu kuttunari itsu so ere

polisemiaz

eta poli-semeez

eta berba berberekin

eta antzekoekin

eta ahantziekin jolasten dut,

posible delako arra eta orroa urrun egotea.

Eta arra zaharra izatea.

Eta zahartzaroa ez arraroa.

Eta…

Berbak eta esanahiak

txotxongilo gisa darabilzkigu

eta txotxongilo bilakatzen dugu geure burua

artaldea taldekatu eta talkak eraginez.

Atzerapendun aroa,

borroka badoa.

Harrapatzera noa.

Ea beste baten biharko hausnarketa den

nire gaurkoa.