‘HOLES AND POLES’ ERAKUSKETA INAUGURATZEN DU DANIEL LLARÍAK BILBAOARTEN

BilbaoArtek eskultura eta bideo erakusketa honetako ateak zabalik izango ditu ekainaren 29tik uztailaren 24ra artean

Ekainaren 26an BilbaoArte Fundazioak Daniel Llaríaren“HolesandPoles” erakusketaren ateak ireki ditu lehen aldiz. Bideo eta eskultura proposamen honek, argiztapen leunarekin, gai marikari heltzen dio. Llaría, 2019an zentroan egoiliar izan zen artista, joan den abenduan Urazurrutia Aretoan 2020an bakarka erakusketa egiteko aukeratutako zazpi artistetako bat izan zen.

“HolesandPoles” (zuloak eta zutoinak) eskultura izaerako ideia bitar bati dagokio, funtsean elkarren aurkakoak diren elementu materialekin. Erakusketa hau osatzen duten pieza guztiak, bi bideo-piezaz eta bi serie bereizitako eskulturez osatuak, kontzeptu horien arabera egin dira.

“Pelikulan lanean hasi nintzenean zinismotik egin nuen, gay kultura garaikidearen neoliberizazioari buruzko iruzkin gisa” azaldu du artistak, bere pieza queer-enekin lan egiteko leku bat aurkitzen duena erakusketa honetan. Horrela, Logroñoko artistak protagonismoa aldarrikatzen du sexualitatearentzat, adierazle gisa, eta desioarentzat, motor gisa.

Urazurrutia Aretoan ikusgai izango diren ikus-entzunezko lanak “Keepme as Idle”, bi gizonen arteko intimitatea islatzen duen film esperimentala, eta “Be Seen Be Safe”, gaueko paisaia batetik mugitzen diren txaleko islatzaileak protagonista dituen stop-motion animazio bat, dira.

Erakusketaren erdialdean, airean zintzilik dauden eskultura batzuk egongo dira, “Los hazte rico”izenburupean. Burdinazko, hormigoizko eta arropazko piezen eraikuntza hauek artistak lanari dagokionez duen gorputzarekiko kezka aipatzen dute. “Ebakitzean, gorputzak presente egoten jarraitzen du, eta materialki korapilo, tentsio, pisu eta abarren jokoa erabiltzen dute eskulturaz maniobratzeko”.

Hormetan ikusiko ditugun eskultura apaingarri txikiek osatzen dute erakusketa, “I’m a lot likeyou”izenburupean, normalean egunerokoak diren objektuen moldeekin eginak. Pieza bakoitza bi edo hiru objektuz artikulatua dago, estetika formal baten bila, abstrakzioaren logikari jarraituz, zentzu indibidual bat multzo baten truke sakrifikatuz.

Jarduera hau #BilbaoUda2020-ren testuinguruan kokatzen da. Programazio osoa hemen kontsulta daiteke: www.bilbaokultura.eus.

DANIEL LLARIARI BURUZ

Daniel Llaría(Logroño, 1985) Arte Ederretan lizentziatu zen Euskal Herriko Unibertsitatean. Parsons, The New SchoolforDesign (NYC) masterra burutu zuen Fulbright bekadun gisa eta SkowheganSchoolofPaintingandSculpture (Maine) delakoan egoiliar izan zen.

Hainbat erakusketa kolektibotan parte hartu du, hala nola Antesquetodo (CA2M, Mostoles, 2010), FirstThoughtBest (Artium, Gasteiz, 2014) edo SecondNature (WestBeth, NYC, 2017). Bakarkako erakusketarik berrienak HazloporlasChavalas(InstitutoRiojano de la Juventud, Logroño, 2015) eta papácamp da (CarrerasMúgica, Bilbo, 2019) izan dira.

Informaziogehiago

BilbaoArteFundazioa