Haizea itzultzen da, nire ametsean,

maitearen islatik nire urruntzean.

Biratu ‘ta biratzen, betiko borrokan,

haizearen kontra naiz, etorri ezean.

 

Uhina handitzen da, nire ametsean,

maitearen islatik nire baztertzean.

Igo eta jaisten naiz, betiko kulunkan,

olatuaren kontra, hurbildu ezean.

 

Mareak beheraka, nire ametsean,

maitearen islara nau atzerakadan.

Itsasoan lerratzen, korronte handian,

marearen kontra naiz, maitatu ezean.

 

Ametsetik atera, nire ametsean,

maiteak xuxurlaka, behar dudanean,

lehorrera leunki narama berritan,

denaren ahanztera haren besoetan.

 

2020/01/03

 

Hatsaren Poesia – Olerki Bilduma – 2020