Entre os diyas 21 y 25 de febrero de 2022, Chaca zelebrará o Diya Internazional d’a Luenga Materna, con un listau d’autividaz endrezatas a la difusión d’a cultura y d’a luenga aragonesa.

O Espazio Choven, o Palazio de Congresos y a Casa d’a Cultura serán os puestos que acullirán un taller d’aragonés, una sesión de zine, un conzierto, a leutura d’un poemario y a presentazión d’un libro.

CONSULTE AQUÍ O PROGRAMA D’AUTIVIDAZ

PRESENTAZIÓN D’OS LIBROS “ALICAS DE GAUNILÓN I” Y “ALICAS DE GAUNILÓN II”

O prosimo chueves, 24 de febrero de 2022, a las 19:30 oras, a Sala de Chuntas d’a Facultat de Zenzias Umanas y d’Educazión, acullirá a presentazión d’os libros de Rafel Vidaller Tricas Alicas de Gaunilón I. D’as Alpes enta Montaña Clara y Alicas de Gaunilón II. Por a Macaronesia.

Se trata d’una obra que estió premiada en a edizión de 2020 d’o Premio de Nobela Curta en Aragonés Ziudá de Balbastro, que o Conzello de dita localidat leva convocando dende l’año 2000, con caráuter bienal, y con o cual se pretende contribuyir a la conservazión, difusión y conoxenzia d’a literatura en luenga aragonesa.

L’auto ye un exemplo más dentro d’o conchunto d’autividaz programadas en diferens puntos d’Aragón con motivo d’a zelebrazión d’o Diya Internazional d’a Luenga Materna, que se leva a cabo cada año o diya 21 de febrero, dende que a UNESCO establise ista chornata ta recordar a importanzia de protecher y favorexer o multilingüismo.

CONSULTE AQUÍ O CARTEL DE L’EVENTO: