Ni naiz hemengo lurretakoa,

izadia da nere etxea,

betidanik libre, jakilea,

hegalari ospetsuena.

Haize guzietan naiz irristatzen,

eguraldiekin naiz moldatzen,

gora-behera biraka naiz ibiltzen,

egokitzapen denetan sartzen.

Besteak nitaz dira mesfidatzen,

irizpideetan ez bainaiz sartzen,

kolore ilunekin naiz beztitzen,

nere sinesmenetan naiz bizitzen.

Batzuek ezabatu nahi naute,

nere oihuek beldurtzen dituzte,

atzerritar gisa hartzen naute,

ene hegaldia baztertu nahi dute.

Haize guzietan naiz irristatzen,

eguraldiekin naiz moldatzen,

gora behera biraka naiz ibiltzen,

egokitzapen denetan sartzen.

Bazter hauetako txori garbitzailea,

lurralde honetako ordezkaria,

gure adur galduaren ufalaria,

etorkizun askearen mezularia.