Ze erreza izaten da begiratutea,

ze gatxa ezer ikustea.

Ze erreza izaten da entzutea,

ze gatxa ezer aditutea.

Horren gatxa bada bilatutea,

are gatxago aurkitutea.

Ze erreza izaten da maitemindutea,

ze gatxa maitatutea.

Ze erreza izaten da egotea,

ze gatxa sentidutea.

Horren gatxa bada alkar ulertutea,

are gatxago apala izatea.

Ze erreza izaten da berba egitea,

ze gatxa sinistea.

Ze erreza izaten da guzurretan eragotea,

ze gatxa egia esatea.

Horren gatxa bada huts egitea,

are gatxago zintzo irautea.

Ze erreza izaten da salatutea,

ze gatxa norberaren errua onartutea.

Ze erreza izaten da ahaztutea,

ze gatxa parkatutea.

Honen gatxa izan bada eregitea,

are gatxago izango ete luzaro irautea…!

Iniaki Martiartu (Bakio)

Rothenburg ob der Tauber – 1988

eragon= ari izan

eregi= eraiki

gatx= zail