Hainbat egile
1853ko martxoaren 30ean jaio zen Vincent Van Gogh Herbeheren hegoaldeko Groot-Zundert herrian, Brabanteko iparraldean. Eliza Erreformatuko abade baten semea zen. Pertsona barnerakoia zen; txikitatik bereizi izan zen Vincent bakardaderako zaletasunagatik eta seriotasunagatik; naturarekin harremanean egotea zuen atsegin eta ibilaldi luzeak egiten zituen baso, zelai edo soroetan zehar, bakarka zein senide edo lagunen batekin…