Begietako lehortasuna gaitz bat da, malkoen kalitatean eta kantitatean izandako aldaketek eragiten dutena. Malkoa funtsezkoa da elikagaiak eta oxigenoa korneako zeluletara eramateko. Ikusmenaren osasun-arazo ohikoenetako bat da (begi-lehortasuna kontsulta oftalmologiko guztien %30a da, eta 50 urtetik gorako biztanleen %30-i erasaten die).

Sintomak askotarikoak dira:

-Begietan harea izatearen sentsazioa.

-Azkura, erresumina eta gorritasuna.

-Molestiak begiak kliskatzean.

-Ikusmen lausoa.

-Argiarekiko sentsibilitatea.

Kausa nagusiak hauxek dira:

-Aldaketa hormonalak (haurdunaldia, menopausia eta tratamendu antikontzeptiboa).

-Laser kirurgia.

-Adina.

-Gaixotasun autoimmunea edo infekzioak.

-Ukipen-leiarren erabilera.

-Pantailen erabilera luzea.

-Kontserbatzaileak dituzten tantak erabiltzea.

-Medikamentu baten albo-ondorioak.

-Aire girotua eta berogailua.

Erreferentzia:

Síntomas y causas de la sequedad ocular. YouTube. Farmazialarien Elkargoen Kontseilu Nagusiaren Optika eta Akustika Batzorde Nazionala, Théa laborategiarekin lankidetzan. 2020/10/28.