Haurren minbiziarekin lotutako zenbait alderdiri buruzko sinposioa antolatu du NUPek

Adituek eta familiek hartuko dute parte ekitaldian, eta Inno-CARE ikerketa-taldeak eta ADANO elkarteak antolatu dute

 

Nafarroako Unibertsitate Publikoak (NUP), Inno-Care ikerketa-taldearen bidez eta Minbizia duten Haurrei Laguntzeko Elkartearen (ADANO) laguntzarekin, haurren minbiziarekin lotutako zenbait alderdiri buruzko dibulgazio-jardunaldia antolatu du irailaren 18rako, “Haurren minbizitik bizirik ateratzea ikusarazten: erronkak eta itxaropenak” izenburupean. Sinposioa 17:00etan izanen da Osasun Zientzien eraikineko ekitaldi-aretoan, eta osasun arloko profesionalek hartuko dute parte, bai eta haurren minbizitik bizirik atera direnek eta haien ahaideek ere. Programa osoa Unibertsitatearen webgunean dago kontsultatzeko.

Sinposioa zuzendutako dago NUPeko ikasleei, osasun arloko profesionalei, minbizitik bizirik atera diren haur eta nerabeen ahaideei eta gazte nagusiei, bai eta beste edonori ere.  Sinposioaren helburua da komunitatea haurren minbiziaren errealitateaz kontzientziatzea, estatistikak, haur eta nerabeen minbizi mota ohikoenak eta pazienteek eta haien familiek dituzten erronkak barne; tratamenduetan egindako aurrerapenak nabarmentzea, eta, ondorioz, haurren minbiziaren biziraupen-tasetan izandako aurrerapenak nabarmentzea; bizirik atera direnen eta haien familien bizi-kalitatean biziraupenak duen eraginari heltzea, eta ADANO-NUP hitzarmenaren bidez lantzen ahal diren erronkak eta ezagutza-hutsuneak aurkeztea. Era berean, talde antolatzaileak azaldu duenez, “familien eta profesionalen itxaropen- eta erresilientzia-istorioak partekatu nahi dira, ADANOren lana zabaltzeaz eta sustatzeaz gain”.

 

Argazkia: NUP.