2025eko urtarrilean egingo diren hiru topaketen zehar, BilbaoArteko URIBITARTE40 Aretoak «30 pertsona behar dira mendi bat eraikitzeko» bitartekotza-programa esperimentala eskainiko du Jara Roseten eskutik, «Inork ezin du menda zaporea partekatu» erakusketaren programazioaren barne, aldez aurretik izena emanda.

Gauza bat seinalatzeak, ezagutzera emateko xedez, gauza hori beste gauza batzuetatik bereizten du eta gogoan gordetzea ahalbidetzen du. Bere atzamarrarekin zerura seinalatzen du eta bere buruaren gainetik pasatzen den kaio baten ibilbideari jarraitzen dio. Uso bati jarraitzean atzamarrak egiten duen mugimendua ez da txolarre batekin egiten duen mugimendu berbera. Aire-mugimendu bat, lurrean eragina duena.

30 pertsona behar dira mendi bat eraikitzeko hiru saioko topaketa bat da. Lantalde bat osatuko dugu, eta bertan gorputzarekin eta begiradarekin esperimentatuko dugu, irudiak jasotzeko eta bistaratzeko. Zerurantz seinalatzean, beste begirada batzuk altxatzen dira. Altxatzeko arrazoia zein den jakiteko ahaleginak egiten dira.

Informazio praktikoa:

Datak: Asteazkenak, urtarrilak 16, 23 eta 30

Ordua: 17:30-19:30

Edukiera: 15 pertsona (dohainik, izena aurretik emanda, 2024.11.26tik aurrera, helbide honen bidez: bilbaoarte@bilbao.eus.

Lekua: URIBITARTE40 Aretoa

(Uribitarte Pasealekua, 40. 48009 Bilbo).